10 Ամենատարածված սխալները վաճառքի ժամանակ

Խոստովանիր, որ հաճախորդների հետ հանդիպումները շատ կարևոր են, և եթե  արդյունքում վաճառք չես իրականացնում, նշանակում է ապարդյուն ծախսում ես  ժամանակդ և ճանապարհածախսդ: Այդ իսկ պատճառով հանդիպման գնալուց առաջ  համոզվիր, որ կգերազանցես ինքդ քեզ:

Ահա 10 ամենատարածված սխալները, որոնք վաճառքի մենեջերները թույլ են տալիս պոտենցիալ հաճախորդների հետ հանդիպման ընթացքում.

1.Ուշացում հանդիպումից: Եթե հանդիպմանը ժամանակին չես ներկայանում, հաճախորդի մոտ տպավորություն է ստեղծվում, որ  ինքը կամ իր թանկագին ժամանակը քեզ այնքան էլ չեն հետաքրքրում: Աշխատիր 15 րոպե շուտ ներկայանալ հանդիպմանը, եթե հանդիպման վայրն անծանոթ է քեզ, իսկ մանրամասները նախապես ճշտիր :

2.Անհամապատասխան  արտաքին տեսք: Հանդիպմանը ներկայանալուց առաջ ուշադիր զննիր ինքդ քեզ, համոզվիր, որ ատամներդ մաքուր են, տեսքդ կոկիկ է, շորերդ թափթփված չեն և մազերդ գեղեցիկ հարդարված: 

3.Չափից դուրս ընկերական շփում: Չափից դուրս ընկերական վերաբերմունքի դրսևորումը կարող է կեղծ թվալ և վանել հաճախորդին: Եղիր սիրալիր և հարգալից:

4.Շատ խոսել, քիչ լսել: ՎաՃառքին վերաբերող զանգերի նպատակն է տեղեկություն հավաքել և գործնական հարաբերություններ կառուցել: Անընդմեջ խոսելով չես կարող հասնել այդ նպատակներին: Հետաքրքրություն ցուցաբերիր հաճախորդի հանդեպ, հարցեր տուր և սպասիր պատասխանների:

5.Հաճախորդի հետ բանավիճել: Նույնիսկ եթե հաճախորդը համաձայն չէ քեզ հետ, բանավիճելը միայն կբարդացնի իրավիճակը: Փոխարենը` հարցրու ինչու նա համաձայն չէ և թույլ տուր, որ արտահայտվի:

6.Վաճառքի ավանդական մոտեցում: Դե իհարկե դու ուզում ես հնարավորինս մեծ քանակությամբ վաճառք իրականացնել, սակայն բոլորն արդեն իսկ հոգնել են այդ ավանդական մոտեցումից: Նախ հաճախորդի հետ քննարկիր իր կարիքները, ապա առաջարկիր քո ծառայությունը:

7.Ապրանքի մասին բավարար ինֆորմացիաի բացակայություն : Հաճախորդին այնքան էլ հաճելի չէ անընդմեջ լսել նման արտահայտությունը, «մեկ րոպե ճշտեմ… մենք դեռ կվերադառնանք այդ հարցին»: Զանգեր կատարելուց առաջ համոզվիր, որ լիովին տիրապետում ես ինֆորմացիաին այն ապրանքի վերաբերյալ, որը ներկայացնելու ես:

8.Բջջային հեռախոսդ շեղում է ուշադրությունդ: Հիշիր, ոչ մի զանգ կամ հաղորդագրություն այնքան կարևոր չէ, որքան քո հաճախորդը, ով նստած է քո առջև: Հաճախորդի հետ խոսելիս պարզապես անջատիր հեռախոսդ:

9.Հանդիպումը այլ ընթացք է ստանում: Հաճախորդի ժամանակը թանկ է, ուստի ձանձրալի և դանդաղ ընթացող հանդիպման փոխարեն հակիրճ ներկայացրու հանդիպման իրական պատճառն ու նպատակը` չշեղվելով հիմնական թեմայից:

10.Հանդիպման ավարտը ձգձգվում է: Հաճախորդը հավանաբար ունի հարյուրավոր այլ գործեր, որ հեշտությամբ կիրականացներ այդքան երկարատև հանդիպման փոխարեն: Սահմանիր հանդիպման ժամանակահատված և փորձիր չգերազանցել այդ ժամանակը:

Եթե հանդիպման ժամանակ նմանատիպ սխալներ թույլ տաս, համարիր, որ արդեն իսկ զրկվել ես քո հաճախորդներից և ապարդյուն ժամանակ ես ծախսել: Խուսափիր վերը նշված սխալներից և ավելացրու հաճախորդներից ցանկը: