«Քո Սեփական Բիզնեսը Հայաստանում»

Ցանկանու՞մ ես սկսել քո սեփական բիզնեսը Հայաստանում: Շատերն են ասում, թե շատ դժվար է լինելու կամ նույնիսկ անհնար: Դու էլ ե՞ս արդպես կարծում: 

Իմացի՛ր, միակ անհրաժեշտությունը քո կամքն է, հնարամիտ լինելը, աշխատասիրությունը, մոտիվացիան, ու հավատը: Իսկ այս բոլորի բանալին կարող ես գտնել «Քո Սեփական Բիզնեսը Հայաստանում» գրքի յուրաքանչյուր էջում:

Գիրքը բաղկացած է 21 գլխից, որոնք բաժանված են 4 հիմնական մասի՝ 

o        Պլանավորիր քո բիզնեսը

o        Կազմակերպիր քո բիզնեսը

o        Կառավարիր քո բիզնեսը

o        Զարգացրու քո բիզնեսը

Բովանդակությունն ու գլուխները կառուցված են այնպես, որ օգտակար կլինի կարդալ հերթականությամբ՝ նախաբանից մինչև վերջաբան, ինչպես նաև ըստ անհրաժեշտության՝ անդրադառնալ առանձին գլուխների, որոնց թեմաներն ընթերցողին ավելի կհետաքրքրեն: Վերջաբանի փոխարեն գրված լրացուցիչ 22-րդ գլխի գաղափարն այն է, որ եկել է ժամանակը՝ գործելու, ինքնակազմակերպվելու և Հայաստանում բիզնես սկսելու: Կա նաև լրացուցիչ, 22-րդ գլուխ, որն իր մեջ որոշակի գաղտնիքներ է պարունակում: Գրքի ծավալը կազմում է 560 էջ:

Այս գիրքը եղել է սեփական բիզնեսին վերաբերող հայկական հեղինակային առաջին հրատարակությունը՝ դեռևս 2000թ.: 4-րդ՝ լրամշակված և նորացված հրատարակության մեջ ներկայացնում, եմ բիզնեսի ամբողջ ճանապարհը՝ սկսած գաղափարից և բիզնես մոդելից, մինչև հաջողության բարձունքներին հասնելը:

Գրքում ներկայացված են հայկական բիզնեսի 200-ից ավելի օրինակ և պատմություն այնպիսի ոլորտներից, ինչպիսին նե տեղեկատվական տեխնոլոգիաները, տուրիզմը, արտադրությունը, ծառայությունները և այլն:

«Քո սեփական բիզնեսը Հայաստանում» գրքի 4-րդ հրատարակությունում ներառել եմ նոր գործիքներ, մոտեցումներ և մեթոդներ: Այստեղ առանձնացված են 3 հատուկ նշան.

o        Խորհուրդ իմ կողմից

o        Մտածիր այդ մասին

o        Օգտակար գործիք

Գրքում ներկայացված են բազմաթիվ բանաձևեր, որոնք մտածելու և խորհելու տեղիք են տալիս: Օրինակ.

ԱՐԴՅՈՒՆԱՎԵՏ ԱՇԽԱՏԱՆՔ = ԽԵԼՔ x ԱՇԽԱՏԱՍԻՐՈՒԹՅՈւՆ x ԴՐԱԿԱՆ ՎԵՐԱԲԵՐՄՈւՆՔ: Մանրամասները ներկայացված են գրքում:

Օգտակար են նաև 100-ից ավելի պատկերներն ու աղյուսակները:

Գիրքը հասցեագրվում է թե՛ սկսնակ, թե՛ արդեն փորձառու ձեռներեցներին: Օգտակար է այն ուսանողների համար, որոնք հետաքրքրված են բուհական «Ձեռնարկատիրությունե առարկայով, և այն դասախոսների, որոնք դասավանդում են տնտեսագիտական ու բիզնեսին առնչվող առարկաներ: Գիրքը նախատեսված է նաև միջազգային գործակալությունների, հասարակական կազմակերպությունների և պետական կառույցների համար, որոնք աջակցում են Հայաստանում ՓՄՁ զարգացմանը:

Գրքի շնորհանդեսը տեղի կունենա նոյեմբերի 28-ին, ժամը 18:30-21:00-ին ` Կոնգրես հյուրանոցում: Մուտքն ազատ է: